Hemminglarning doppa medenyet bayriminglargha mubarek bolsun!
Blog gönderi açıklaması.
Hemminglarning doppa medenyet bayriminglargha mubarek bolsun!
[ETIC/DUISBURG] Hemmeylenge melum bolghandek 2025-yili 5-may küni Ürümchi shehiride ‹‹Uyghur doppa medeniyet bayrimi››iltimas qilish söhbet yighini ötküzülgen bolup, weten ichidiki bir türküm yiraqni körer, milletperwer ziyaliyli'irimizning qozghitishi bilen milliy medenyitimizni qoghdash, tonush,warisliq qilish, rawajlandurush asasiy meqset qilinghan bu xasiyetlik bayram her yili xelqimiz terpidin daghdugha bilen tebriklinip kelmekte.
Uyghur doppa medenyet bayrimi weten ichi sirtidiki Uyghurlar arisigha tarqilip, Uyghur tashqi kimliki we milliy medeniyetning üzülmeydighanliqidin ibaret bir siginalni berdi. Sherqiy Türkistanliq barliq meripetperwer ilghar yashlar doppa medeniyet bayrimini Uyghur medeniyti heqqide oylinish, mewjutluqini saqlash we küchlendürüsh heqqide muhakime élip bérish bilen tebriklep kelmekte.
Ana wetinimiz Sherqiy Türkistan 1949-yili Xitay kommunist hakimiyiti terpidin bésiwélinghandin buyan izchil türde Xitayning tomur tapini astida ézilmekte, jahangir , diktator, kommunist Xitayning qara niyitining yoghinishi, siyasi qara niyitining ashkara halda otturgha chiqishi bilen yénqinqi on nechche yil mabeynide Sherqiy Türkistanda Uyghurlar téximu éghir derijide depsende qilinmaqta, xorlanmqta, ezilmekte. Sherqiy Türkistanda Uyghur Xitay qanliq tonushi téximu kücheymekte, Xitay basqunchulirimu hem Uyghurlargha qaratqan qanliq basturush isyaitini yenimu kücheytip, Uyghurlarni tanka, zembirek herbiy ayrupilan bilen qirghin qilishtek insan qélipidin chiqqan wehshi usullar bilen qirghin qilmaqta, yene bir tereptin Uyghurlarning til yéziqini cheklep, Uyghur til yéziqining nopuzini chüshürüp, Uyghurlarni ikkinchi derijilik puqraliq ornigha chüshürüp, xorlimaqta.
Uyghurlarning héch qandaq heq hoqoqi étibargha élinmaywatqan, Uyghurlar haywan kebiy xorlinwatqan mushu künlerde xelqimiz özining milliy kimlikini til yézini, örpi aditini, diniy étiqadini qoghdashtin ibaret éghir bohranlargha duchkelmekte. Xelqimiz Uyghur doppa medeniyet bayrimining ehmiyitini we rolini téximu yaxshi chüshünüp yitish bilen birge bu bayramni dawamliq türde paal qanat yaydurup, xelqimizning milliy ghurur we iptixarlinish tuyghusini östürüshi we shundaqla milliy kimlikini qoghdash iradisini namayen qiilishi kérek!
Sherqiy Türkistan information merkizi Uyghur doppa medeniyet barymini qizghin tebrikleydu we shundaqla weten ichi sirtidiki barliq Sherqiyi Türkistanliqlarning bayrimini tebrikleydu, herbir Uyghurninr milliy medeniyitimizni qoghdash yolida bir kishilik hessini qoshushqa chaqirdu!
