ئۇيغۇر ھەرىكىتى مەجبۇرىي غايىب قىلىۋېتىلگەنلەر كۈنى مۇناسىۋىتى بىلەن بايانات ئىلان قىلدى
Blog post description.
خەلقئارا مەجبۇرىي غايىب قىلىۋېتىلگەنلەرنى خاتىرىلەش كۈنىدە، ئۇيغۇر ھەرىكىتى شەرقىي تۈركىستاندا داۋاملىشىۋاتقان ئۇيغۇر قىرغىنچىلىقى ۋە مەجبۇرىي غايىب قىلىۋېتىلگەنلەر ئۈچۈن ئادالەت تەلەپ قىلدى. بىر كىشىلىك ھوقۇققا دەخلى-تەرۇز قىلىش قىلمىشىدىن ئېشىپ ئىنسانىيەتكە قارشى جىنايەت شەكىللەندۈرىغان مەجبۇرىي غايىب قىلىۋېتىش جىنايىتىگە دىققەت تارتىش ئۈچۈن، بىرلەشكەن دۆلەتلەر تەشكىلاتى ئومۇمىي مەجلىسى 2010-يىلى بىر قارار ماقۇللاپ، ھەر يىلى 30-ئاۋغۇستنى «خەلقئارا مەجبۇرىي غايىب قىلىۋېتىشنىڭ زىيانكەشلىكىگە ئۇچرىغانلار كۈنى» دەپ ئېلان قىلغان. ئۇيغۇر ھەرىكىتى بۇ مۇناسىۋەت بىلەن ئېلان قىلغان باياناتىدا، شەرقىي تۈركىستاندا ج ك پ ھاكىمىيىتى تەرىپىدىن مەجبۇرىي غايىب قىلىنغان ئۇيغۇرلارنى ئەسلىدى ۋە ئادالەت تەلەپ قىلدى.